Samstarf Krossins og Good News Today

Undanfarin ár hefur hjálpar- og trúboðsstarf Krossins verið í samstarfi við Good News Today (GNT), undir stjórn Curtis Silcox.  Samstarfið hefur gengið vel, enda liggur blessun Guðs á starfinu.  Meðal landa sem GNT starfa í á þessari stundu eru: Honduras, Indland, Mexíkó, Kína, Nígería, Suður-Afríka o.fl., en aðalskrifstofur GNT eru í Bandaríkjunum.

Hvernig getum við hjálpað?

Ýmsar leiðir hafa verið farnar í fjáröflunum, t.d. hefur trúboðskaffi verið í gangi eftir þriðjudagssamkomur í rúm 3 ár.  Það hefur þjónað þeim tilgangi annars vegar að blessa gesti og trúsystkini sem njóta þess að koma upp og fá sér kaffi og kökur í góðum félagsskap og hins vegar að safna fjármagni fyrir trúboð.

Hverjum erum við að hjálpa?

Krossinn hefur t.d. tekið þátt í því að byggja spítala í fjallaþorpi í Honduras.  Sá spítali mun breyta lífum fjölda fólks og hreinlega bjarga lífum því engin læknisþjónusta var fyrir hendi í grennd við þorpið.  Nú er því verkefni lokið að okkar hálfu en fjöldi verkefna bíður úrlausna.