Benedikt 16. páfi fordæmir löggjöf Breta um réttindi samkynhneigðra og segir að þau gangi þvert á lögmál náttúrunnar.

Páfi boðaði í gær að hann myndi heimsækja Bretland á þessu ári. Í bréfi sem hann sendi kaþólska biskupnum yfir Englandi og Wales af því tilefni sagði hann að páfinn fagnaði því að Bretar skyldu halda í heiðri sjónarmiðum um jafnan rétt fyrir alla. Hann sagði hins vegar að bresk löggjöf hindraði fólk úr kristnum samfélögum í því að iðka trú sína.

Breska blaðið Guardian telur að þarna eigi páfinn fyrst og fremst við lög sem samþykkt voru á síðasta ári og bannar stofnunum sem hafa milligöngu um ættleiðingar að mismuna pörum á grundvelli kynhneigðar.

Grein af visir.is